الله من قلبٍ ليا منه اندار

الله من قلبٍ ليا منه اندار
للواقع اللي مع حلاه احمضايا
قمت اتصدد وبتعد عن هل الدار
ومقابلاً لاصحابيا وبغضايا
ماغير اهل امن الجزيلات واختار
فيهن ودور من وراهن رضايا
يالله ياقادر علا سوق الاقدار
ياللي تحل النا العقد والقضايا
جار الزمان اللي علا العبد دوار
وانته حسيبه يوم ضيق فضايا
له لاهبٍ يلهب كما لاهب النار
نارٍ سناها فالدجى له وضايا
ويرمي علينا من صواديفه امرار
مثل القنابل يوم ترمى الشضايا
بين الضلوع ايوقعن وقع الامطار
راحن ضعاف سخاف منهن اعضايا
وليا نصني سبقهن سبق الامهار
او كنهن زرفال عوص النضايا
دنياً عرفناها ليا صار ماصار
والمقبلات اخيرلي من مضايا
بامر اللذي عمر طويلين الاعمار
لابد من سود الليالي تضايا
والوقت قاسي والتجارب بالاسفار
ويارجل سجي لوكلتك ارمضايا

ولاشرٍ الا مقتفيه امن الاخيار
والنار يشعمها الرطا والغضايا

وسلامتكم

بارك الله فيك على هذه الابيات

عوافي اخي القدير اسد نجد
ابيات جميل
صح لسانك وعلا شانك
رائعة جدآ وحضور رائع
نسعد بتواجدك معنا
دائمآ
وحياك الله مليون ولا يسدون

سلمت اناملك يا مبدع
يعطيك الف عااافية

سلمت اناملك على هذا الذائقة الجميله
لا حرمنا جديد ابدعاتك أخي العزيز
لـ قلبك طوق الياسمين