ثِمَآر الشعِـر .. تقطِفُهَـآ ذَوآئِــقكُــم .

في عيُونك ( عمّر ) ودي أعيشه،
لله درّ الحياه اللي في عيونك

بمناسبة اليوم الوطني للمملكة اسأل الله العلي القديران يديم على بلادنا وبلاد المسلمين نعمة الأمن والأمان .

حنا شربنا حبنا للوطن شرب
شرب الرضاعة في سنين الطفوله
حق علينا نحمي الشرق والغرب
ونحمي شماله والجنوب ببطوله
نسقي ثراه بدمنا ساعة الحرب
ونرد كيد المعتدي ماينوله
حنا لحاكمنا سيوف لهاضرب
فوق الرقاب العاصيات الجهوله
نحمي حمى البيتين ونعاهد الرب
ان الكلام الي نقوله نطوله

بوحي

وخذك الرحيل البعيد وغبت عبر الزحام
وتركت لي : وحدة خرسا من الثرثرة

واليوم من تعبر بصوتي يجف الكلام
إسمك ندي .. لو تجف بـ إسمك الحنجرة

بحر الغرام الي بقلبي تلاطم
يلعب باحاسيس الغلا مثل الأمواج
مشاعر بن المحاني تزاحم
وش حيلتي والشوق في داخلي هاج
يامركب العشاق والقلب هايم
سلم على الي بالهوى طب وعلاج

بوحي

‏يالله اني في ذراك من الفقر والحاجة
ومن وجيه تضحك بوجهي وهي تكرهني
،
ومن رفيقٍ ماعرفنا علته واعلاجه
كل يوم يذمني وان شافني يمدحني

يمر الهوى شرفة قصيدي وأفكر .. فيك
وياخذني " التفكير " لـ أسوار جدرانك

على شانك أسعى وأطمح لـ كل مايرضيك
عقب ماحظيت بـ قلبي اللّي على شانك

الله يمسي راعب الطب بالخير
ويجعل مساء اهل الطناخات فله
اللي لهم بالقلب حشمة وتقدير
مكانهم عندي رفيع محله
على دلال بالمحبة مباهير
في مجلس راعي الغلا مايمله

بوحي

بين فرحة لقاك وهم فرقاك
لاتذكرت جرح ولا نسيتك

عين تشربك شوف وعين تظماك
لاذبحني ظماك ولا رويتك

قمت اخيلك هنا وهناك وهناك
وين ترحل بي النظره لقيتك

ان طلبت الغلا قلت الغلا جاك
وان سكنت الخفوق البيت بيتك

يانجمة العشاق في ليلة العشق
خوذي من القلب المشقى رساله
قلب على شوف الحبيب يتشفق
يسهرطوال الليل يرجي وصاله
قولي على قلب الغرام يترفق
لايترك الولهان يسهر لحاله

بوحي

الحب مابين القلوب المواليف
سعادة .. مابين غالي وغالي
وان رحت جابك في حلى نومي الطيف
وان شفت زولك كل شي طرالي