العودة   منتديات شقراء نت > °~*¤®§ المنتديات الأدبية§®¤*~° > منتدى صوت شــاعر > دواوين الشعراء

التسجيل التعليمـــات التقويم البحث مشاركات اليوم اجعل كافة الأقسام مقروءة

الملاحظات

دواوين الشعراء قسم يختص بالشعراء

الإهداءات

إضافة رد
 
أدوات الموضوع انواع عرض الموضوع
قديم 26-06-2016, 07:18 AM   #1
عابر السبيل
ملك الكلمات


الصورة الرمزية عابر السبيل
عابر السبيل غير متواجد حالياً

بيانات اضافيه [ + ]
 رقم العضوية : 8240
 تاريخ التسجيل :  Jun 2016
 أخر زيارة : اليوم (12:08 AM)
 المشاركات : 1,005 [ + ]
 التقييم :  772
لوني المفضل : Cadetblue
Smile35 دنانير من إحساس (ديوان عابر السبيل)











إجمع بعضك وفارق الدار يالشين
ما عاد لك عند المواليــف قيمه

ما انذل رجل(ن)في ديار العزيزين
كرام الوجوه اللي تجيب الحشيمه

ترى المذله في ديار الذليلين
تلقى الحزن بالدار حط الوليمه

خذها مياسيرن وخذها ميامين
تلقى الكرم عند الوجيه الكريمه

ببيوتهم بالطيب تلقى عناوين
فيهم عن المنقود طيبن وشيمه

تلقى القسا فيهم تجاور مع اللين
نوبن براد ونوب نارن ضريمه

عقّال تلقاهم ونوبن مجانين
والله وكيلك ما تحس الهضيمه

ومساجد(ن) فيها تلجّ المواذين
قلوبن بحب الله صارت عظيمه

عابر السبيل


 


رد مع اقتباس
قديم 26-06-2016, 07:24 AM   #2
عابر السبيل
ملك الكلمات


الصورة الرمزية عابر السبيل
عابر السبيل غير متواجد حالياً

بيانات اضافيه [ + ]
 رقم العضوية : 8240
 تاريخ التسجيل :  Jun 2016
 أخر زيارة : اليوم (12:08 AM)
 المشاركات : 1,005 [ + ]
 التقييم :  772
لوني المفضل : Cadetblue
افتراضي رد: دنانير من إحساس (ديوان عابر السبيل)



وسط الحياة يموت مني كلامي
كلام يرثنَّه خدود المناديل

ربعي تفكَّر بي وتنشد علامي
وش فيك ساهم ما ترد المراسيل

تمشي على الطرقه كما الخبل عامي
مشي النهار اصبح كما مشية الليل

وانا ادري اني رحت بالدرب شامي
والقلب كله يجتمع وجهة اسهيل

كتوم ما ابدي غاية الهرج كامي
وقلبي تمزع من الجوى م المغاليل

جمعت جوع الناس والقلب ظامي
في ديرة ما يستغيثون للسيل

عليك مني م البعايد سلامي
لو كان مثلي من حساب المهابيل

واياك تسألني ووش هو علامي
وش فيك ساهم ما ترد المراسيل
عابر السبيل



 


رد مع اقتباس
قديم 26-06-2016, 08:43 AM   #3
عابر السبيل
ملك الكلمات


الصورة الرمزية عابر السبيل
عابر السبيل غير متواجد حالياً

بيانات اضافيه [ + ]
 رقم العضوية : 8240
 تاريخ التسجيل :  Jun 2016
 أخر زيارة : اليوم (12:08 AM)
 المشاركات : 1,005 [ + ]
 التقييم :  772
لوني المفضل : Cadetblue
افتراضي رد: دنانير من إحساس (ديوان عابر السبيل)



إليا جفاك اللي توده وتغليه
خله عسى سود الليالي توطاه

مسير مع وقتك مع الغير تسليه
وتلقى بداله ثم من عقب تنساه

مامات حي و والي العرش واليه
واسمن كتبته يوم لا بد تمحاه

يا كم فقد غالي من الخلق غاليه
بعد الوضوح الوقت من عينك اخفاه

والكاس في كفك من الود ماليه
مليان لحظه ولحظة(ن) ينفقد ماه

والرجل يبصر دوم في اللي حواليه
والقلب له عقلن عن الشين ينهاه

واجعل مكانك من المراجل عواليه
واعرف ترا الفاقد من الشي ما اعطاه

والجاهل اللي يرتجي حب ساليه
هبيل ينقل داه يا ناس بارداه

عابر السبيل



 


رد مع اقتباس
قديم 26-06-2016, 09:04 AM   #4
عابر السبيل
ملك الكلمات


الصورة الرمزية عابر السبيل
عابر السبيل غير متواجد حالياً

بيانات اضافيه [ + ]
 رقم العضوية : 8240
 تاريخ التسجيل :  Jun 2016
 أخر زيارة : اليوم (12:08 AM)
 المشاركات : 1,005 [ + ]
 التقييم :  772
لوني المفضل : Cadetblue
افتراضي رد: دنانير من إحساس (ديوان عابر السبيل)



ما كل من تهواه يصبح مهاويك
ولا كل من صافيت إلك صار صافي

كم واحدن يضحك وهو لك معاديك
يقصر وفاه وبالخماكير وافي

واليا لقا له سبة(ن)حطها فيك
يضرس على بغضك بلدن الاشافي

حط الاشافي م النحاسة مساويك
وان مالت الدنيا تبين الخوافي

غدى مع الشيطان ضمن المماليك
لا شك ستر الله على الناس ضافي

كم م المصايب شفتها من حواليك
تصيب غيرك وانت باحلى العوافي

واللي يصيبك مالك الله يخطيك
وضرب المثل يا لامع العقل كافي

بين الخلايق مغلي(ن) لك وشانيك
ومنهم رحوم القلب وفيهم جوافي

عجزت ياقلبي وانا دوم اناديك
واطرقك نوباتن بطرق القوافي

امرك يا قلبي من النصح وانهيك
عن شغلة (ن)فيها هزيل السفافي

اليوم روّح يم ربعك واهاليك
واضرب طريقك لو على الرجل حافي

ولا يلفتك يا قلب هذي معا ذيك
وودع سطورن فيهن المكر خافي

عساي اعرفك بين الايام اسميك
ثم ينتهي بك في الجميلة طوافي

عابر السبيل



 


رد مع اقتباس
قديم 26-06-2016, 10:52 AM   #5
الشقراء
إدارة المنتدى


الصورة الرمزية الشقراء
الشقراء غير متواجد حالياً

بيانات اضافيه [ + ]
 رقم العضوية : 1137
 تاريخ التسجيل :  Jun 2011
 أخر زيارة : يوم أمس (04:43 PM)
 المشاركات : 97,260 [ + ]
 التقييم :  131945
 الدولهـ
Saudi Arabia
 الجنس ~
Female
 MMS ~
MMS ~
 SMS ~
اللهم إجعل القرآن ربيع قلبي
وذهاب همي وجلاء حزني
لوني المفضل : Darkmagenta

اوسمتي

Smile35 رد: دنانير من إحساس (ديوان عابر السبيل)





عوافي اخوي عابر سبيل
حياك الله مليون ولا يسدون
في سماء شقراء نت
عنوان جميل سميته دنانير
وأنا اقول درر والماس هذا الديوان
صح بوحك وعلا شانك عدد بلا مدد حتى ترضى
وتستاهل ان اثبت هذا الديوان لآنه فعلا يستحق التثبيت
وعقبال وشاح الشعراء


 
 توقيع : الشقراء




شكر بـ حجم الكون لـ من أهداني التوقيع واللقب والصورة الرمزية والتصميم






رد مع اقتباس
قديم 27-06-2016, 04:19 AM   #6
عابر السبيل
ملك الكلمات


الصورة الرمزية عابر السبيل
عابر السبيل غير متواجد حالياً

بيانات اضافيه [ + ]
 رقم العضوية : 8240
 تاريخ التسجيل :  Jun 2016
 أخر زيارة : اليوم (12:08 AM)
 المشاركات : 1,005 [ + ]
 التقييم :  772
لوني المفضل : Cadetblue
افتراضي رد: دنانير من إحساس (ديوان عابر السبيل)



شكرا على المرور الجميل وحسن السجية (العشر عليك ومن هنا مباركة ان شاء الله جعلنا الله واياكم من عتقائه )
شرفني مرورك واشكر لك تثبيت الموضوع ولعلي اكون على قدر العشم ان شاء الله
شرفني المرور الكريم وسعدت بسطورك .دومي من الله في خير وطيب خاطر

عابر


 


رد مع اقتباس
قديم 27-06-2016, 05:19 AM   #7
عابر السبيل
ملك الكلمات


الصورة الرمزية عابر السبيل
عابر السبيل غير متواجد حالياً

بيانات اضافيه [ + ]
 رقم العضوية : 8240
 تاريخ التسجيل :  Jun 2016
 أخر زيارة : اليوم (12:08 AM)
 المشاركات : 1,005 [ + ]
 التقييم :  772
لوني المفضل : Cadetblue
افتراضي رد: دنانير من إحساس (ديوان عابر السبيل)



ولِّيت يا عصر الشقا ولّ ما اقشرك
يا كثر صكاتك وما اكثر بلاويك

انشدك يا قلب العنا ويش سهَّرك
تشابه اصباحك ومظلم لياليك

اشوف حظ الزين قام يتعذرك
وشين المصايب تجتمع كلها فيك

تذكر وليف (ن) بس اهو ما تذكَّرك
دايم على بالك وهو صار ناسيك

شين البخت يا صاحبي وين ودَّرك
ميت ولا به م المواليف يحييك

عصيت ناصح نصح جا لك وحذرك
واليوم تشرب م العلاقم باياديك

يفنيك صد(ن) ما لك الله وفَّرك
يا مثل راج(ن) يرتجي له مهاليك

الياس في يمناك والصد بايسرك
قدمك وراك وكلها من حواليك

من قدِّمك بعضات الاحيان وخَّرك
واللي خذاك اليوم ما هوب معطيك
عابر السبيل



 


رد مع اقتباس
قديم 27-06-2016, 05:27 AM   #8
عابر السبيل
ملك الكلمات


الصورة الرمزية عابر السبيل
عابر السبيل غير متواجد حالياً

بيانات اضافيه [ + ]
 رقم العضوية : 8240
 تاريخ التسجيل :  Jun 2016
 أخر زيارة : اليوم (12:08 AM)
 المشاركات : 1,005 [ + ]
 التقييم :  772
لوني المفضل : Cadetblue
افتراضي رد: دنانير من إحساس (ديوان عابر السبيل)



تكفون ياللي للي المطايا تحثّون
ريضو على شاني عسى فالكم خير

شيلو معاكم شاعرن صار مجنون
من حب نجد(ن) خافقه كنه الطير

مليت من جبنن تراشح بزيتون
ودارن بها الافضال جمع الدنانير

ودي بزاد(ن) والشبب فيه مدفون
وعرار نجد(ن) والوجيه المسافير

مليت من صحب الخماكير والدون
الله على شوف الوجيه المناعير

ب فياض نجدن يزعج الطير بلحون
وظامي المطايا هادفاتن على البير

يا ما بها من جادل الراس مزيون
وبن (ن) خنينه تلفظه لك مباهير

عابر السبيل




 


رد مع اقتباس
قديم 27-06-2016, 05:30 AM   #9
عابر السبيل
ملك الكلمات


الصورة الرمزية عابر السبيل
عابر السبيل غير متواجد حالياً

بيانات اضافيه [ + ]
 رقم العضوية : 8240
 تاريخ التسجيل :  Jun 2016
 أخر زيارة : اليوم (12:08 AM)
 المشاركات : 1,005 [ + ]
 التقييم :  772
لوني المفضل : Cadetblue
افتراضي رد: دنانير من إحساس (ديوان عابر السبيل)



يقولون ملزومن تسلَّى وتنساه
وبدِّل حبيبن راح بآخر حبيبي

لا يا زمانن روَّح العمر ما اقساه
ورمش النواظر م البلايا يشيبي

لا باغي(ن) غيرك بخيره وحسناه
ولا نايمن ليلن وهو لي طليبي

عليه قلبي يابساتن حناياه
وانا على لاماه اقنب قنيبي

لي روعة(ن) لامن حنا ذكرناه
بين العظم والجلد تدبي دبيبي

إليا ابتسم ذبح المعنَّى ثناياه
واليا لحظ جنِّك سهومن تصيبي

لو ينعرض هرجه على الطير غناه
وانا اشهد انه علتي والطبيبي

هذا الكلام اللي م الافواه قلناه
والله على صدق الملافظ رقيبي
عابر السبيل



 


رد مع اقتباس
قديم 27-06-2016, 05:33 AM   #10
عابر السبيل
ملك الكلمات


الصورة الرمزية عابر السبيل
عابر السبيل غير متواجد حالياً

بيانات اضافيه [ + ]
 رقم العضوية : 8240
 تاريخ التسجيل :  Jun 2016
 أخر زيارة : اليوم (12:08 AM)
 المشاركات : 1,005 [ + ]
 التقييم :  772
لوني المفضل : Cadetblue
افتراضي رد: دنانير من إحساس (ديوان عابر السبيل)



دهاك يا طيري من الوقت داهي
واللي جرى لي يا اشقر الريش داهيك

الجنح واهي واصفر الكف واهي
ولا ينفعك في نهض الاجناح واهيك

مثلك ترى قلبي عن الفرح ساهي
ولا سجود السهو يجبر لساهيك

ليتك سمعت الشور واقوال ناهي
يا وين شور (ن) راح مع نهي ناهيك

واليوم صدري مثل قدرن وطاهي
قام يتفنن بالصدر ذوق طاهيك

مصيبتي وإن كنت داله ولاهي
يا ليت تعطيني بعضها لواهيك

ذكرت لك زولن من الزين زاهي
ولا شافت الاعيان زينك وزاهيك
عابر السبيل




 


رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:50 AM


Powered by vBulletin® Copyright ©2000 - 2018, Jelsoft Enterprises Ltd.
HêĽм √ 3.1 BY:
! ωαнαм ! © 2010
vEhdaa4.0 by vAnDa ©2010

موقع محافظة شقراء - منتدى شقراء الرسمي