العودة   منتديات شقراء نت > °~*¤®§ منتديات مملكة حواء و أدم §®¤*~° > منتدى الأســـرة

التسجيل التعليمـــات التقويم البحث مشاركات اليوم اجعل كافة الأقسام مقروءة

الملاحظات

الإهداءات

إضافة رد
 
أدوات الموضوع انواع عرض الموضوع
قديم 01-10-2017, 08:12 AM   #1
ريانة العود
خجولة المبسم


الصورة الرمزية ريانة العود
ريانة العود غير متواجد حالياً

بيانات اضافيه [ + ]
 رقم العضوية : 8704
 تاريخ التسجيل :  Jun 2017
 أخر زيارة : 30-07-2018 (10:25 PM)
 المشاركات : 6,539 [ + ]
 التقييم :  14193
 الدولهـ
Saudi Arabia
 الجنس ~
Female
 SMS ~
‏‏‏‏سمه دلع سمه غرور وعوابه ويعشق اللي يناجيه
سمه قساوة قلب سمه لعانه سمه اللي تسميه ‏‏‏‏‏‏‏‏‏‏‏‏‏‏‏‏‏‏‏‏‏‏‏‏
 اوسمتي
وسام مليون مشاهد وسام التألق وسام  مليونين زائر 
لوني المفضل : Cadetblue

اوسمتي

14 أنوثتي .. تجبرني أن أخبر العــــالم عن نعومتي ...!



يسعد لي مساكم وصباحكم ي احلى اعضاء [ منتدى شقراء ]



أنوثتي ..."
تجبرني أن أخبر العــــالم عن نعومتي ...!

ليس غروراًً أو كبريآء
بل شموخاً بالذآت فأنآ شآمخه بأخلآقي وقيمي
ليس فقط بجمالي و نعومتي بل أنآ هكذآ وسأظل هكذآ
مآ أجمل أن أكون أنآ لا أن أكون غيـري ..!


بسّم الله الرحمنّ الرحيمّ ..
>>فيس يترجف اول مره تكّتب موضوعّ هنآ
السّلآم عليكمّ اول شي
ثأني شيّ
انا من اول ماسجلتّ ب شقراء ناويه علىّ ه المّوضوعّ
بس قدر الله ّ واجلتهّ كم شهر
وهـو (اهدّاءّ) لكل عضّوات قسسم مملكه المرأهّ
وبمنّاسبه انيّ شسمه اهتم ينفسي وبجسمي بحطّ ه الموّضوع >> مابقى احد مادرى انتس انيقه
ماليّ ف المقّدماتّّ
ابي احتسي بالعاميهّ
واخذ راحتيّ معكنّ
وبعطيكمّ تجاربيّ
البارتّ الاولّ
العنايه بالشعــــــر
البارتّ الثاني
العنـايه بالبشــره
البّارت الثالث هديه
بعطيكم خلطات من تجميعي وتجاربيّ
واللي افادتني ولله الحمدّ
نقطّه مهمه قبل لا ابدأ الموضوع
(( شعر عن شعر يختلف وبشره عن بّشره تختلفّ ))يعني اللي يناسبنيّ موب شرطّ ينّاسبتسّ
اتمنى هـ الشيء تحطونه في بالكنّ قبل لا تّطبقنّ اي شي
^
^
ينقالكم مقدمه برامج ههههه

المهمّ
بربّ
اجهز لكنّ الموضوعّ
كل وحده تجيب دلتها وحلآهاّ وتتكيّ

صّلو على النّبي ..


 
 توقيع : ريانة العود
هُناكَ تتحلّقّ بعض الإناث في مسائيه مُثيرة للإستغراب ابتسامات قهقهات والسبب موعِدٌ لطيف مع القهوه ..!


رد مع اقتباس
قديم 01-10-2017, 12:23 PM   #2
ريانة العود
خجولة المبسم


الصورة الرمزية ريانة العود
ريانة العود غير متواجد حالياً

بيانات اضافيه [ + ]
 رقم العضوية : 8704
 تاريخ التسجيل :  Jun 2017
 أخر زيارة : 30-07-2018 (10:25 PM)
 المشاركات : 6,539 [ + ]
 التقييم :  14193
 الدولهـ
Saudi Arabia
 الجنس ~
Female
 SMS ~
‏‏‏‏سمه دلع سمه غرور وعوابه ويعشق اللي يناجيه
سمه قساوة قلب سمه لعانه سمه اللي تسميه ‏‏‏‏‏‏‏‏‏‏‏‏‏‏‏‏‏‏‏‏‏‏‏‏
لوني المفضل : Cadetblue

اوسمتي

افتراضي رد: أنوثتي .. تجبرني أن أخبر العــــالم عن نعومتي ...!



بسّم لله نبدأ ..

نبدأ بّ الاولّ (( بّ الشعـــرّ)) لآنه جمال المرآه وابرز شي فيهاّ
ومعروف عننّا الحريماتّ
نبي ّ الزين والحّلآ
والشعر الكثيف والطويلّ واللي يلمعّ
بذكركنّ مرتن اخرىّ
كل وحده طبيعه شعرهاّ تختلف عن الثّانيه .. وان شّاء الله كل شيءّ بحطه طبيعي وبفيّدكنّ
بشرح لكنّ طبيعهّ شعريّ ..
دهنيّ بشّكل تقل هنديه >> وبوه حيل يطلع علب زيت عافيه
ناعم بزيادهّ >> ترا النعومه احيانا بلآ
خفيفّ >> بس هالفتره الاخيرهّ جته عينّ وراح نصه
بّ الاضافه الى ان دميّ فقران
وهاللحين اعالجه وكل شيء تمامّ
لونه الطبيعي اشقر غامق ماشاء الله
>> بوريكم صوره اختي الصغننه زيه >> شبهي ي لبى
تعرفون الاشقر اللي يجي اشهبّ
ماله لمعه
تسذآ شعريّ



شفتوا شقار شعرها وشّلون اشهب ..؟
ماعليكم من التصوير المعفن ما هجّد لمن صورتهّ
والاضاءه معطيه لمعهّ ولا هو اشهبّ
تقل كابين عليه ترابّ
انا تسسذآ بالضبط وشبهي ي لبى
بقولكم الخلطه
اللي خلتهّ يلمع وراحت الشهوبه اللي بوهّ
وخلته دمييل
انا لمن اسوي الخلطات ما ادور النعومه
ادور على الطول + الكثافه + اللمعه ..
الخلطه هذي حلت لي مشّكله اللمعانّ
تجيبين
موزهّ بقشره + كيوي 2 بدون قشور + ربع برتقاله بقشّرهاّ
تحطينهم بّ الخلاطّ
وعلى راستس كأنتس تحطين حنهّ
تفرقينهّ وتحطين لمن يتغطى تمّاماّ
ريحته جميله >> مالكم عذر يّ اللي تقولون وعّ على الريحهّ
وتحطي فوقه كيس بلآستيكّ مخرمّ >> كيس الخبزّ ماغيره!ّ
وتلفين فوقه ايّ شارب عشان ما ينزلّ منوه شي
وتخلينه ساعتينّ او ثّلاثّ
وغسليهّ
مرتين ثلاثّ بدون شامبو لمن ينزلّ كل شيءّ
بعدها اغسليه بّ شامبوّ جونسون الاصفر >> هذا شامبوي من سنينّ
يهبل وخفيف على الراس والشعرّ
اغسله ثلاث مرات وامشطه عشان اتطمن ان كل القشور حقت الخلطه راحتّ
وانشفه واربطهّ ذيل حصّان
واذا نشف
شووفي اللمعهّ
اسويها مرتين بّ الاسبوع
رهيبه مع الاستمرارّ
جربو واحكموا

نجي للمشكله الثانيهّ
الكثافهّ
وهي اغلبنا يعاني من الخفهّ
سويت هالخلطه وجابت نتايجّ
واهم شيءّ الاستمرارّ
انا ما وراي شيءّ واحب الاستمرار والاستشوار ما استخدمه الا بالزواجات الحمدلله
فّ ياليت اي وحده تبدأ بالخلطه تقطع الاستشوار تمّاما عشان تشوف النتيجه
والحمدلله لقيت النتيجهّ
الخلطهّ
تجيبين كوب حلبه ..
جرجير ..
فليفله خضرا البارده ..
وزيت عافيهّ ..
تحطين كل المقادير الحلبه والجرجير قطعيه عشوائي والفيفله قطعيهاّ
وحطيها ببرطمان
وجيبي زيت عافيه او اي زيت طببخّ
وعبي العلبه منوهّ
واتركي الخلطه اسبوع كامل تتنقعّ
وكلما شفتيها رجيها رجيها رجيها ورجي امها وابوها
بعد اسبوع
حطيها عاتي على شعرتسّ
لمده ساعتين يوم وراء يوم
واكتميها بكيس مخرمّ
ي بنات الريحه مافي لآن بوه جرجير وفليفله
تغطي على الحلبهّ
واذا غسلتي شعرتس حطي ه الغسول وبتروحّ
غرشه مويه وملعقتين نسكافيه رجيهمّ واغسلي شعرتس بعد الشامبوّ
راح تصير ريحه شعرتس قهوه وبخير وحطي خمريه تطير كل الروايح

رهيبه ذا الخطله
مع الاستمرار راح تشوفين شعر جديد نبت لتسّ
وراح يطول >>قيسي شعرتس قبل لآ تبدين بالخلطهّ
وينعم زياده >> هذا الشيء اللي ماحبيته
انا بس ابي طول وكثافهّ
والحمدلله مشت معي ه الخلطه الدمييله
وتراني استمريت 3 شهورّ موب اسبوع وتقولين ما صار شيءّ

نجي لشيء جميل ورائع سويته بنفسيّ
كنت بغير لون شعري وما ابي اصبغ
وامي متحسّفه تقل الناس يدورون لون شعرتس وتبين تغيرينهّ
كان بخاطري
لون اسود مزرقّ
وابحث وابحث وابحث وادور
ما ابي اكسجين وصبغه
ابي شيء طبيعي
لمن لقيت الحل
وهو النيله
نيله زرقاء عن العطار مكعبات وانتي تطحنينهم
موب نيله الشمغ لالالالا
المهم تاخذين نص كيلو وتقولين له اطحنّهم
تصير لتس بورده زرقاءّ
فكرت وش احط معاها عشان يصبغ
حطيت نص كوب نيله + سدر + ماينونيز اربعه ملآعق + زيت زيتون + زبادي ..
وخلطتهم
صار الخلطه لونها ارزق يهبلّ
وحطيها على راسي الدميل
خليتها 8 ساعاتّ >> من الحماس
وغسلت شعري
يّ الله
وش زينه صار اسود مزرق على بني خفيفّ >> المهم صبغّ
اللي شعرها غامق راح يظبط انا خلقه فاتح
بس صار يهبل يهبل
بالشمس يصير لمعته رزقاء نيليه
والنيله تعطي لمعه رهيبه رهيبه رهيبه
اللي تبي تصبغ بشيء طبيعي تستخدم هذي واااو
وممكن تحطينها مع الحنهّ
بس الحنه تخلين مقدارها 6 ملاعقّ
والنيله كوب كامل مطحونّ
روعه
وانتمّ تعرفون فوايد الحنه مايحتاجّ
انا سويت هـ الخلطه مرتينّ
والحمدلله ثبت اللون وعاجبنيّ
وهـ اللحين صاير يضحك الجذور لون واللي تحت لون
بعيدها قريبا ان شاء اللهّ
نجي لشي جميييييييييييييييل
وهو حبوب ( هير دال) والكل يعرفها
تهبل ي بنات
ما تسمن
حبه وحده باليوم تلقينه بالصيدليات سعرها 77 ريالزّ >> ي بلآش
والله من وصفتها لي الدكتوره جميله
شعري تحسن
ومع الخلطات تساعد وربكن جربوهاّ
واهم شي ماتسسسسمن

نجي للشّئ قبل الاخيرّ
المرهّ
وما ادراك ما المرهّ
انا قبل كنت اتوعوع منها >> انطقوها يلا
وياااي وقرف وحالتي اوم الحاله
بعدين اكتشفت انها كنز كنز كنز
انا ااستعملها لعده اشياء بذكرها لكمّ
لشعري ولبشرتي >> البارت الثاني اقولكم البشرهّ
لشعري
اسويها غسولّ
غرشه مويه منقوعه بمره قد الكف >> يكون لونها فاتح ازين
وتنقع ليله كامله
بعدها احطها على شعري >> صح ريحتها
نص ساعه تسذا
واغسلهاّ وبعدها اسوي غسّوول النسكافيه >> عشان الريحه
واااااااااااااو وااااااااااااو
ي بنات تخلي الشعر يهبل يجنن يهووس
تخليه يلمع يلمع يلمع
يوم شفت النتيجه نسيت الريحه وامها
صرت اللحين ما استغني عنها
طول الوقت وهي بشعري وببشرتي ..
والحمدلله فادتنيّ
بجي لكم للشيءّ الخطير اللي خلآني اسعد انسانه
شيء حصلت عليه
من الدكتوره تمدحه حييل
وموب موجود الا بصيدليه وحده بسّ بالشرقيه بس
صيدلية الروضه

هذا الشي

بخاخ
اليم قد ما اوصفلكم ما بوفي بحقه
كنت مستهينه فيه
لآني جربت كل شيء
ورحت جميع المستشفيات
لآن جتني فتره ربي لآ يعيدها
بعد ما استمتعت بنتائج خلطه الحلبه
انتكست وجاتن عين
وفتت نص شعري صار خصله وحده
صرت اربطه وما افكه
لمن شريت ه الشيء الجميل
وجبت لي علبتين
دخت وانا ادور وراه >> لمن هاللحين صرت جنبه وكل شوي رايحه اجيبه
هذي تركيبه جميله وقويه
بخاخ للشعر
هذي علبته تقل علبه وسكي
ومعه علبه ثانيه صغيره بيضه وفيها زي الابرهّ
تبخين على فروه الراس
لا له ريحه ولا شي
بس يقرص بالبدايه
وبعدين ما تحسين
ولآ يحتاج انتس تغسلينه حطيه وينشف
9 بخات الصبح 9 بالليل
اول شهر ما التزمت
بعد ما شفت النتائج المذهله
استّمريت عليه
بعد ثلآث شهور
جبهتي كلها شهر صغار
ومكان الصلعات بدأ يمتليّ
واللحين بعد
10 شهور من استخدامه بدون توقف
لا اله الا الله
ماشاء الله
شعري رجع مثل الاول
صار كثيف والصلعات اختفت
وجبهتي صارت كلها شعر
وانا ناويه استمر عليه سنتين لمن اخليه مثل الباروكه ماشاء الله
قسمن بالله رهيب رهيب
اول مره اثق بمنتج طبي واقتّنع بوه
الحمدلله لك ي رب
وربي شيء ما يتطوف
يعني من قلب شفت نتايجه وشعري تغير تغير
ماشاء الله
طال وكثف حييل
تبارك الرحمنّ
اللي بالشرقيه
هـ اللحين انقزو شي اسمه صيدليه الروضهّ وجيبوه
سعره 270 وربي لو 1000 اجيبه
يستاهل كل ريال ينحط فيه
واتمنى انكم تجربونه
وتستمرون
لمده 6 شهور بتشوفون العجب ولمده 1 او 2 راح يصير شعرتس باروكه
ان شاء الله
هذي كل طرق عنايتي بشــــــــــعري
كل الخلطات اللي فادتني وشفت لها نتايج حطيتها لكم حبيباتيّ
استمروا استمروا استمروا وراح تشوفن النتيجه اللي تفرحكم
ولآ تنسون
اذا حطيتو اي زيت اذكرو الله فيه
اقرو المعوذات
اذا مشطتوه اقرو عليه بكل وقتّ
ذكر اللهّ زين

هذاا البّارت الاول خلصّناه على خيرّ
نروح للبشره شرايكمّ ..؟



صلو على النبي على ما اخلصّ
وبرب لحد يرد


 


رد مع اقتباس
قديم 08-02-2018, 03:32 AM   #3
ريانة العود
خجولة المبسم


الصورة الرمزية ريانة العود
ريانة العود غير متواجد حالياً

بيانات اضافيه [ + ]
 رقم العضوية : 8704
 تاريخ التسجيل :  Jun 2017
 أخر زيارة : 30-07-2018 (10:25 PM)
 المشاركات : 6,539 [ + ]
 التقييم :  14193
 الدولهـ
Saudi Arabia
 الجنس ~
Female
 SMS ~
‏‏‏‏سمه دلع سمه غرور وعوابه ويعشق اللي يناجيه
سمه قساوة قلب سمه لعانه سمه اللي تسميه ‏‏‏‏‏‏‏‏‏‏‏‏‏‏‏‏‏‏‏‏‏‏‏‏
لوني المفضل : Cadetblue

اوسمتي

افتراضي رد: أنوثتي .. تجبرني أن أخبر العــــالم عن نعومتي ...!



لتطويل الشعر

خلطات من العطار

(الآس..إكليل الجبل..الآس الهندي..سدر)

أول خطوة ياحلوات ضعي 3م ك إكليل الجبل + 3م ك الآس+2م ك الآس الهندي إن وجد (لونه يميل للسواد أوراقه كبيرة)+2م ك سدر ياويل اللي تقول الأعشاب كثيرة


كل هالمكونات ضعيها في عبوة زجاج ثم ضعي كاستين من الماء الحاااار وغطي الزجاجه على الفور وأتركيها 24 ساعه

بعد مضي هذه الساعات استخدميها


مجرب من وحده اعرفها


 


رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:20 AM


Powered by vBulletin® Copyright ©2000 - 2018, Jelsoft Enterprises Ltd.
HêĽм √ 3.1 BY:
! ωαнαм ! © 2010
vEhdaa4.0 by vAnDa ©2010

موقع محافظة شقراء - منتدى شقراء الرسمي