العودة   منتديات شقراء نت > °~*¤®§ المنتديات الأدبية§®¤*~° > منتدى صوت شــاعر > دواوين الشعراء

التعليمـــات التقويم البحث مشاركات اليوم اجعل كافة الأقسام مقروءة

الملاحظات

دواوين الشعراء قسم يختص بالشعراء

الإهداءات

إضافة رد
 
أدوات الموضوع انواع عرض الموضوع
قديم 15-11-2017, 03:04 PM   #511
عابر السبيل
ملك الكلمات


الصورة الرمزية عابر السبيل
عابر السبيل متواجد حالياً

بيانات اضافيه [ + ]
 رقم العضوية : 8240
 تاريخ التسجيل :  Jun 2016
 أخر زيارة : اليوم (06:02 PM)
 المشاركات : 589 [ + ]
 التقييم :  769
لوني المفضل : Cadetblue
افتراضي رد: دنانير من إحساس (ديوان عابر السبيل)



يرويك بيتك يا عشير القوافي
وانته كما القصه والابيات ترويك

حتَّيش لو يسفى على البيت سافي
يجيك يا ميَّت لحونن وتحييك

تصبح كما رمشن على الخد ضافي
وم الزين رب البيت يا بيت حاليك

تصير شهد(ن) سال بين الاشافي
يا سعد من يطرق لك السمع يوحيك

سحرت من حولك ب بيِّن وخافي
تجر حس القلب والقلب يتليك

قطرات حس(ن)بين الاسطار صافي
يموت ما يلقاك بالسوق شاريك

منباعها قلبن عديم العوافي
تجهش معاليقه سواة الشرابيك

موجه من الاحساس ياحلو دافي
لو انت بردانن ف الاحساس يدفيك

يا كم يحلى بين سطرك طوافي
وتشب بك نارن والادماع تطفيك

لا منتعل رجلن ولا انتاب حافي
ويحير فكري بين نعلك وحافيك
عابر السبيل


 


رد مع اقتباس
قديم 15-11-2017, 05:18 PM   #512
عابر السبيل
ملك الكلمات


الصورة الرمزية عابر السبيل
عابر السبيل متواجد حالياً

بيانات اضافيه [ + ]
 رقم العضوية : 8240
 تاريخ التسجيل :  Jun 2016
 أخر زيارة : اليوم (06:02 PM)
 المشاركات : 589 [ + ]
 التقييم :  769
لوني المفضل : Cadetblue
افتراضي رد: دنانير من إحساس (ديوان عابر السبيل)



يهواك قلبن من كبار المجانين
قلبن عصى ياصاح م الشور شوري

يا زيزفون(ن) حب م البعد نسرين
او هو فراش(ن) مات في حب جوري

يوم الفراشه تجمع النور نورين
يشقشق على شانه من الطير دوري

يا فارش الاوراق من غصن الارمين
حورية (ن)هامت على حب حوري

يا ليت ياحلم الهنا لي تزورين
بالله من عقب التعاسات زوري

ماتت غصون الحب لو كنت تدرين
ثم انقلب م الصد يا حلو طوري

يافاري الاضلاع وش عاد تفرين ؟
ما غير صور(ن) وانفخي اليوم صوري
عابر السبيل


 


رد مع اقتباس
قديم 15-11-2017, 08:42 PM   #513
عابر السبيل
ملك الكلمات


الصورة الرمزية عابر السبيل
عابر السبيل متواجد حالياً

بيانات اضافيه [ + ]
 رقم العضوية : 8240
 تاريخ التسجيل :  Jun 2016
 أخر زيارة : اليوم (06:02 PM)
 المشاركات : 589 [ + ]
 التقييم :  769
لوني المفضل : Cadetblue
افتراضي رد: دنانير من إحساس (ديوان عابر السبيل)



مسير هالبيبان تلعب مع الريح
ومسير مايبكيك رقص الستاير

تسمع شبابيك خذتها اللوافيح
ولا ينذكر للدار م البعد زاير

مزح الليالي بعضها به ترازيح
وياكم تدور بعالمك من دواير

بكيت انا بك والدوامع مراشيح
قضت ضلوعي ناتقات العباير

تبكي عليك الريح ليل وتصابيح
واطلال تنشد للهواء ويش صاير

عابر السبيل


 


رد مع اقتباس
قديم 16-11-2017, 08:34 AM   #514
عابر السبيل
ملك الكلمات


الصورة الرمزية عابر السبيل
عابر السبيل متواجد حالياً

بيانات اضافيه [ + ]
 رقم العضوية : 8240
 تاريخ التسجيل :  Jun 2016
 أخر زيارة : اليوم (06:02 PM)
 المشاركات : 589 [ + ]
 التقييم :  769
لوني المفضل : Cadetblue
افتراضي رد: دنانير من إحساس (ديوان عابر السبيل)



ودي بدربك وبعد الدرب عدَّاني
كن الرجل يابعيد الدرب مكسوره

مارحت له والغلا غايب ولا جاني
ومن بيننا قصة(ن) بالولف مشهوره

ياليت يفزع ولو مره على شاني
ويفك روحن بقبر الصد مقبوره

يا واحد بالجوا ماشاركك ثاني
ياعطر قلبي ووردي وساحر ازهوره

انا كما الحرف تكتبني وتقراني
واليا قلبت السطر يظهر لكم صوره

سبحان ربن بحبي لك تبلاَّني
وخفيف عقلن تغيَّر م الهوى طوره

تذكرني احزانها وافراح تنساني
ويجي لها في صناديق الحشا ثوره

سلام ياللي بنيته ثم )ن) افناني
بالخير يا فاتن الاعيان مذكوره

يفداك ماقلت من لوعات قيفاني
مجنون قافن على الاسطار مسطوره

ودي بنومي وشوقي عنه ينهاني
مسحور قلبن عيونه مثل مسحوره

ياتحفة(ن)للضماير جابك ازماني
وعرفت انا منك حب الناس واعصوره

مادري وش اللي على هالشي وداني
ديارن بها الموت يبني شاهر اقصوره

خبري بصيرن ولا ادري منهو اعماني
وخلاني ادموع فوق الخد منثوره

اللي خذاني على الطرقه وخلاَّني
بدارن بها قاسي الاشواق مسعوره

سلام يا ساحرن يسحب له ارداني
مسموح ومع ذا لك الله حيل مشكوره

كم قال في الشعر مني صحة لساني
وصارت كما نعمة(ن)بالحيل مكفوره

غريب مسجون يهوى طيف سجاني
والحال ماهيب بين الناس مستوره

كم مرة(ن)من لذيذ النوم جزَّاني
وكم صارت العين مني غصب في شوره

الله يا تاج ملكي وراس سلطاني
النفس من فعلتك ياصاح مقهوره

كم قام حزنك من المركى وحياني
والا الفرح مات منهو ينفخ بصوره

ان طاب لك من حروفك يوم تمحاني
فالدهر لابد يجي له بالهوى دوره
عابر السبيل


 


رد مع اقتباس
قديم 16-11-2017, 11:49 AM   #515
عابر السبيل
ملك الكلمات


الصورة الرمزية عابر السبيل
عابر السبيل متواجد حالياً

بيانات اضافيه [ + ]
 رقم العضوية : 8240
 تاريخ التسجيل :  Jun 2016
 أخر زيارة : اليوم (06:02 PM)
 المشاركات : 589 [ + ]
 التقييم :  769
لوني المفضل : Cadetblue
افتراضي رد: دنانير من إحساس (ديوان عابر السبيل)



اسمع كلامي يا عصيَّ القوافي
خلك على دربي مع الليل مطواع

ادري بقلبك طلسمات الخوافي
وانت السفينه والقوافي لك شراع

يوم ان كل الناس في النوم غافي
خلك معي يا قاف في درب الاسناع

خلك وصول الطبع خل الجوافي
مثيل سمنن بين الاصباع ينماع

ابشر بعزك ما به الا العوافي
شفي اشنف بك مع الليل الاسماع

احييت بي شوق من اعوام طافي
غدى كما الوده تغريف تمرياع

انقط على كفي من الحس صافي
ونوع لي انواعك وانا شيخ الانواع

ان كنت عمله عند مثلي صرافي
وانا على صرفك من الشوق طماع

ان كنت حافي فشاعر الليل حافي
ياطا على الحيّه ولا قيل مرتاع

ولا بد ما تسفا عليها السوافي
تصبح سرابن فوق الاسهال لماع

عطني اعترافك ثم هاك اعترافي
واكسر حواجزها بحربه ومقلاع

عابر السبيل


 


رد مع اقتباس
قديم 16-11-2017, 11:57 PM   #516
عابر السبيل
ملك الكلمات


الصورة الرمزية عابر السبيل
عابر السبيل متواجد حالياً

بيانات اضافيه [ + ]
 رقم العضوية : 8240
 تاريخ التسجيل :  Jun 2016
 أخر زيارة : اليوم (06:02 PM)
 المشاركات : 589 [ + ]
 التقييم :  769
لوني المفضل : Cadetblue
افتراضي رد: دنانير من إحساس (ديوان عابر السبيل)



تقول يا طولك مع الناس طولاه
طول الهبيل اللي من العقل خالي

مهبول ما تفرق من بكاه مغناه
مشغول في شي(ن) وهو مثل سالي

ان كان تخفي شي شيك عرفناه
سبة جنونك يا ولد فقد غالي

واليوم يا شينك من الشين شيناه
مرجوج ولا لك م المخاليق والي

قالت صديقتها تظني ظلمناه؟
تعال جاوب يا ولد لي سؤالي

غريب طورك بين الاسطار شفناه
وش فيك دايم واصفن للغوالي

صحيح مجنون وبيتك كتبناه
ودومك على دربك تشد الرحالي

بعضك علمنا وبعض ما قد علمناه
ودي تكلّم يا عريب الخوالي

واقول علمي وسط قبرن دفناه
هذا جوابي لك مع طيب فالي

قالت وكيف البيت ترفع لمبناه؟
بيوتن بها تشمخ لروس العلالي؟

واقول بيتي م المعاليق مجناه
من جوف قلبي من غوالي حلالي

امشي معا بيتي يميني بيمناه
واعطيه انا الفنجال صفوة ادلالي
عابر السبيل



 


رد مع اقتباس
قديم 21-11-2017, 04:18 PM   #517
عابر السبيل
ملك الكلمات


الصورة الرمزية عابر السبيل
عابر السبيل متواجد حالياً

بيانات اضافيه [ + ]
 رقم العضوية : 8240
 تاريخ التسجيل :  Jun 2016
 أخر زيارة : اليوم (06:02 PM)
 المشاركات : 589 [ + ]
 التقييم :  769
لوني المفضل : Cadetblue
افتراضي رد: دنانير من إحساس (ديوان عابر السبيل)



احس بيني وبين الاحباب خطوات
والخطوه الوحده على مد شوفي

من بينهن حس(ن) تناهت بكلمات
اوله سين وباقي حروفه اوفي

ما ينرجى يا صاحب القلب من مات
وعمر الرجا ما خفف اليوم خوفي

بالسطر نقطات (ن) وبالعين نقطات
هذا على اوراقي وهذا بجوفي

مريت من عندك وانا احسب لساعات
وعديت دارك يم الاخرى ذلوفي

يا نايف الفقره جبالك طويلات
وانا على جارك كثير الحسوفي

واليوم في نجد(ن) وبينك مسافات
وما بيننا هجسن بفكري يطوفي

عابر السبيل


 


رد مع اقتباس
قديم 24-11-2017, 01:25 AM   #518
عابر السبيل
ملك الكلمات


الصورة الرمزية عابر السبيل
عابر السبيل متواجد حالياً

بيانات اضافيه [ + ]
 رقم العضوية : 8240
 تاريخ التسجيل :  Jun 2016
 أخر زيارة : اليوم (06:02 PM)
 المشاركات : 589 [ + ]
 التقييم :  769
لوني المفضل : Cadetblue
افتراضي رد: دنانير من إحساس (ديوان عابر السبيل)



يا جمرة(ن)بالقلب والجوف مسجور
مع شهقة الانفاس وازفارها نار

جا للفرح دورن وللحزن جا دور
تعاقبن في مهجتي منك الادوار

يا خاطرن م الكسر ما صرت مجبور
ولا ظنتي تلقى مع الوقت جبّار

جداك دمعن فوق الاوجان منثور
ما وقّفت عينك من الدمع تنثار

من هو خلى يا صاح م البور والجور
وش حيلتك في الدهر لا صار جوار؟

سلام يا سر(ن) على الجوف مقبور
يا قف على قبرك من الوقت قبّار

كم ينقفل باب(ن) على السر مسمور
ولا خان قفل السر من شان مسمار

واصل طريق الليل يا مثل مسحور
مسحور يمشي في هوى كل سحّار

لا بد ما ينقر لك مع الوقت ناقور
في ساعة الصرخه معا نقر نقّار

باكر يجي من لفة الوقت لك طور
تصحى على دفّ(ن) تعاون مع الطار

ناظر جبين(ن) شع في الحفل له نور
يبين وسط النور يا قلبي انوار

اللي له اسمن فوق الاضلاع محفور
حفر(ن) توصى به مع الحفر حفّار

اللي لها ريح(ن) كما ريحة الحور
اللي لها فكري من الحب محتار

راحت كما كاس(ن) على الصخر مكسور
كاسن تضاعف به على الصخر تكسار

لا نافع(ن) راي(ن) ولا نافعي شور
مصيبة ماتت بها كل الاشوار

انصب على الهوجاس واربط به الكور
يا راحل(ن) عمره على راس الاكوار

اليا طرى الطاري على خفقة الزور
وجاشت بك افكارن توالد لها افكار

مره على صنعا ومره على صور
ومره على المشراف في راس سنجار

اكتب بها حرف(ن) من الحس مسطور
مسير ما تبقى من ابياتك اسطار

تبقى مع الشعار تحفه لها دهور
بحفل الصبايا في طرب كل سمّار
عابر السبيل


 


رد مع اقتباس
قديم 01-12-2017, 03:40 PM   #519
عابر السبيل
ملك الكلمات


الصورة الرمزية عابر السبيل
عابر السبيل متواجد حالياً

بيانات اضافيه [ + ]
 رقم العضوية : 8240
 تاريخ التسجيل :  Jun 2016
 أخر زيارة : اليوم (06:02 PM)
 المشاركات : 589 [ + ]
 التقييم :  769
لوني المفضل : Cadetblue
افتراضي رد: دنانير من إحساس (ديوان عابر السبيل)



صارت حروفن تلفظ الروح باسطار
صدره وعجزه يا رفيقي نصايب

ديوانها يا منية الروح قبّار
حاضر له احيانن ومرات غايب

وتحيا مع اللي تعشق الورد وازهار
يجيب شي بس يا ويش جايب؟

اللي يسلف للقمر زين وانوار
اعز واغلى من حضر م الحبايب

الحس في قلبي طلوعن ومحدار
اللي لها شعرن على الردف سايب

صدري لها نارن ومعاميل ووجار
تلقى لها ضلعي على القلب ذايب

تمشي على دربه نجومي والاقمار
لو هي على قلبي شديد السبايب
عابر السبيل


 


رد مع اقتباس
قديم 01-12-2017, 03:42 PM   #520
عابر السبيل
ملك الكلمات


الصورة الرمزية عابر السبيل
عابر السبيل متواجد حالياً

بيانات اضافيه [ + ]
 رقم العضوية : 8240
 تاريخ التسجيل :  Jun 2016
 أخر زيارة : اليوم (06:02 PM)
 المشاركات : 589 [ + ]
 التقييم :  769
لوني المفضل : Cadetblue
افتراضي رد: دنانير من إحساس (ديوان عابر السبيل)



كن الجفاء وصفه وصفها لك الصد
او هو جفاك اللي وصف لك بصدي

جاوزت بالهجران يا صاحبي حد
وانا بصبري لك تجاوزت حدي

الوصل في جزرن وهجران في مد
وانا بوصلك دايمن اهديك مدي

يا حامل الوانن على صفحة الخد
وانا ابهت الالوان من اللون خدي

يضيع عمري بين هزلك مع الجد
لا يا بعد حيي ويا اخلاف جدي

وان جيت للحسرات بك ما لها عد
خيال رقمن صار بالعد عدي
عابر السبيل


 


رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:08 PM


Powered by vBulletin® Copyright ©2000 - 2017, Jelsoft Enterprises Ltd.
HêĽм √ 3.1 BY:
! ωαнαм ! © 2010
vEhdaa4.0 by vAnDa ©2010

موقع محافظة شقراء - منتدى شقراء الرسمي